Dy persona janë arrestuar në Vlorë pasi në bashkëpunim njëri tjetrin nëpërmjet ryshfetit ndaj punonjësve të Drejtorisë Doganore Vlorë, fusnin në territorin Republikës Së Shqipërisë produkte kontrabandë.
Në pranga kanë rënë Arian Kasëmi, dhe shtetasit Skënder Kasëmi, të dy banues në Vlorë. Gjithashtu u bë shpallja në kërkim e shtetasve Aurel Nebiu, dhe Mustafa Lame Meçaj, me detyrë punonjës pranë Drejtorisë Doganore Vlorë, të cilët dyshohet se në bashkëpunim me njëri tjetrin në kembim të ryshfetit lejonin kalimin e produkteve kontrabandë.
Materialet i kaluan Prokurorisë së Posaçme Kundër Korrupsionit dhe Krimit të Organizuar për kryerjen veprimeve të mëtejshme për veprat penale “Kontrabanda me mallra të tjera”, “Korrupsioni aktiv i personave që ushtrojnë funksione publike”, “Korrupsioni pasiv i personave që ushtrojnë funksione publike”.
