NJU JORK– Biseda mes Presidentëve Obama-Putin pritet me interes të madh sot në Nju Jork. “Do të jetë serioze dhe substanciale, për çështjet si Siria dhe Ukraina”, thonë analistët. Por gjykuar nga mosmarrëveshjet se kush në të vërtetë ka kërkuar takimin, ajo mund të shndërrohet në një bisedë të pakëndshme.
Takimi që zhvillohet në kuadër të Asamblesë së Përgjithshme të Kombeve të Bashkuara, do të jetë takimi i parë zyrtar midis dy presidentëve që pas ngjarjeve të Ukrainës dhe aneksimit të Krimesë nga Rusia. Zyrtarët e Shtëpisë së Bardhë, më 24 shtator, kanë konfirmuar takimin dhe kanë thënë se ai do të mbahet me kërkesë të Putinit. Më vonë, ai ka bërë shaka duke thënë se rusët mund të jenë “dëshpëruar” nga takimi. Nga ana tjetër këshilltari i lartë i Kremlinit, Yuri Ushakov ka thënë se ishte Shtëpia e Bardhë ajo që në fakt ka kërkuar takimin.
Në prag të takimit, ka pasur po ashtu raporte se Shtetet e Bashkuara kanë refuzuar të negociojnë me Rusinë për një draft-rezolutë, e cila do të miratonte forcimin e pozicionit të saj në Siri.
