Sot në Shqipëri është dita e dytë e vaksinimit kundër COVID-19 në “Air Albania Stadium”.
Mësohet se procesi i vaksinimit për ditën e sotme do të vijojë me epidemiologët, mjekët dhe infermierët të cilët janë në vijën e parë të përballjes me sëmundjen e rëndë.
Fushata e vaksinimit për koronavirusin nisi të hënën në orën 15:00, ku edhe u vaksinua në transmetim live kryeministri Edi Rama, ndër emrat e njohur të stafit mjekësor, infeksionisti Pëllump Pipero, mjeku Tritan Kalo si edhe Najada Çomo.
Mjekja Çomo ishte personi i parë në Shqipëri që mori vaksinën anti-COVID. Gjithashtu u vaksinuan 50 mjekë dhe infermierët e parë të spitalit Infektiv dhe “Shefqet Ndroqi”./ Opinion.al
