Ambasadori i Bashkimit Europian në Tiranë, Luigi Soreca, dhe e ngarkuara me punë e SHBA-ve, Leyla Moses-Ones, ditën e sotme kanë zhvilluar një takim me Prokurorin e Përgjithshëm të sapo zgjedhur, Olsian Çela
Përmesnj postimi në rrjetet sociale, Soreca shprehet se gjatë takimit diskutuan përparësitë kryesore të zyrës së tij të re, përfshirë hetimet financiare proaktive, veprimin e zyrave të prokurorisë pas tërmetit, si dhe për fazën kalimtare drejt krijimit të SPAK.
Po ashtu, Soreca deklaron se, zgjedhja e Çela përfaqëson një tjetër hap të rëndësishëm përpara në zbatimin e reformës në drejtësi, e cila është një përparësi kryesore për Shqipërinë në rrugën e saj drejt integrimit në BE.
“Së bashku me Leyla Moses-Ones sot takova Prokurorin e Përgjithshëm të sapozgjedhur Olsian Cela. Ne diskutuam përparësitë kryesore të zyrës së tij të re, përfshirë rolin kryesor të hetimeve financiare proaktive, veprimin e zyrave të prokurorisë në pas tërmetit, si dhe për fazën kalimtare drejt krijimit të SPAK. Zgjedhja e Z. Cela paraqet një hap tjetër të rëndësishëm përpara në zbatimin e reformës në drejtësi, e cila është një përparësi kryesore për Shqipërinë në rrugën e saj të integrimit në BE”, shkruan Soreca./ Opinion.al
