Aktualitet

Soreca takim me Çuçin: Sa më shpejtë vlerësimi i nevojave pas fatkeqësisë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:45 - 06/12/19 |
Al Do

Ambasadori i Bashkimit Evropian në Tiranë, Luigi Soreca është takuar sot me ministrin e Bujqësisë Blendi Çuçi i cili është emëruar gjithashtu në krye të aksionit për tejkalimin e fatkeqësisë natyrore të shkaktuar nga tërmeti i 26 nëntorit.

Të pranishëm në takim kanë qenë edhe përfaqësues të zyrës së Kombeve të Bashkuara në Shqipëri dhe të Bankës Botërore.

Në një postim në “Twitter”, ambasadori Soreca bën me dije se në takimin është diskutuar për të nisur sa më shpejt përgatitjet e vlerësimit të nevojave, pas fatkeqësisë. Sipas ambasadorit të BE-së, ky është një kusht për të planifikuar si duhet përpjekjet e rindërtimit, përfshirë konferencën e donatorëve.

“Sot takova Ministrin Bledi Çuçi, së bashku me United Nations Albania dhe Bankën Botërore, për të nisur sa më shpejt përgatitjet e vlerësimit të nevojave pas fatkeqësisë. Ky është një kusht thelbësor për të planifikuar si duhet përpjekjet e rindërtimit, përfshirë konferencën e donatorëve”, shkruan ambasadori Soreca. /Opinion.al

Pas