Gjyqtari Shyqyri Çobo, i gjykatës së Shkallës së Parë Berat u vendos në pranga sot pasi i kërkoi favore seksuale një gruaje që ishte në proces gjyqësor. Janë zbardhur disa prej komunikimeve që ia ka pasur me gruan që kishte kërkuar divorcin në gjykatë. Për 3 muaj thotë prokuroria gjyqtari i ka bërë mbi 300 telefona gruas me iniciale I.T. dhe një numër të madh mesazhesh.
Por ajo qe vihet re eshte gjuha e pazakonte qe gjyqtari ka perdorur karshi gruas ne mesazhet e derguara, ku shihet se perdoren fjale te cuditshme deri diku te harruara. Ndoshta nje lloj flirtimi apo vardisjeje qe ishte harruar prej kohesh ne Shqiperi dhe qe gjyqtari Cobo e ka rikthyer serish duke rikutjuar rinine e tij. Kjo lloj gjuhe eshte kthyer edhe ne burim gallate ne rrjetet sociale ku shume personazhe po komentojne fjalet e perdorura nga gjyqtari Cobo.
Ja disa prej mesazheve:
SMS 1- Të këshilloj tepër miqësisht që në konceptin apo në filozofinë perceptuese mos reflekto mendësi fshatareske të natyrës provinciale duke u munduar të tregosh moral, koha ka evoluar, ndaj duhet të jesh më elokuente me veten dhe në shoqëri, OK?
SMS 2- “Zogu” – do më vinte mirë të të thërrisja kështu se si “zogë” je! OK?
SMS 3- Është e vërtetë që je “Tip i vështirë” në raportin komunikues, por “Tip inteligjente” me performancë femërore tepër perfekte.. Ke vlera në vetvete! Të respektoj dhe nuk dua të të humbas ! Ok ?
SMS 4- …. “Mirëmëngjes”! Po të shkruaj shpejt. Zgjohem në orën 04:00 dhe ora 05:30 nisem për në punë. Unë gjykoj se ti duhet të njohësh madje dhe të administrosh vlerat të cilat s’të mungojnë.. Ti gëzon simpati, inteligjencë dhe një komunikim tepër komplimentar. Je tepër femërore. Për këtë duhet të jesh KRENARE! Respekte.
