Aktualitet

Skenari më i pazakontë/ Analistët: Meta mund të shpërndajë dhe Parlamentin


               Publikuar në : 10:47 - 10/06/19 |
geliano fataj

Ne jemi republikë parlamentare, jo presidenciale. Ndaj asgjë nuk na ndal të vijojmë përpara me 30 qershorin. Të enjten do të zhvillojmë një debat shumë të gjatë parlamentar. Të shpalosim të gjitha argumentet kundër këtij vendimi të Presidentit. E enjtja do të finalizohet me rezolutë për shkarkimin e Presidentit. Duhet të fokusohemi te 30 qershori. Jemi në mes të lojës. Pas debatit, çështja diskutohet në KQZ dhe më pas në Kolegjin Zgjedhor”.

Kështu ka deklaruar kryeministri Edi Rama, në mbledhjen e kryesisë së Partisë Socialiste. Por çfarë pritet të ndodh më pas? 

Analisti Afrim Krasniqi thotë se Presidenti mund të ndërmarrë akte ndaj Parlamentit. Sipas tij nëse Parlamenti do të shqyrtonte dekretin e Presidentit, Metës ndoshta do t’i lindte e drejta për të ndërmarrë akte ndaj Parlamentit.

“Imagjinoni sikur Parlamenti të shqyrtojë dekretin e Presidentit kur nuk ka kompetencë për ta bërë këtë gjë. Praktikisht do të kishim një avancim të krizës dhe do të ishim në një situatë shumë më të jashtëzakonshme që ndoshta do t’i lindte të drejtën Presidentit për të vazhduar situatën e jashtëzakonshme për të ndërmarrë akte ndaj Parlamentit që nuk kanë sens kushtetues”, ka thënë Krasniqi.

Një skenar që pak kush e mendon është dhe nxjerrja e një dekreti tjetër presidencial për shpërndarjen e Parlamentit. Ky skenar mund të bazohet në faktin se Parlamenti nuk ka numrin e plotë prej 140 deputetësh.

Në fillim të krizës politike, vetë presidenti Ilir Meta e ka cilësuar të pranueshëm zëvendësimin në bllok të deputetëve të tërhequr me emrat e kandidatëve në listat e Partisë Demokratike dhe Lëvizjes Socialiste për Integrim.

Në vlerësimin dhe në bindjen time institucionale Kuvendi i Shqipërisë ka 82 deputetë të ligjshëm, përfshirë edhe 3 deputetët e opozitës, të cilët nuk pranuan të djegin mandatet sipas vendimit politik të partive përkatëse”, ka thënë Meta. Dhe në mungesë të Gjykatës Kushtetuese, që mungon në Shqipëri, mund të ndodhin shumë zhvillime./ Opinion.al

Pas