Ish-Kryetari i Bashkisë së Dibrës, Shukri Xhelili u dënua sot me 2 vite e 8 muaj burg nga Gjykata e Krimeve të Rënda. Ai ka bërë deri tani 8 muaj në paraburgim dhe duhet të shlyejë edhe 2 vite të tjera burg. Gjithsesi ky është vendimi i Shkallës së Parë, pasi avokati do ta ankimojë vendimin në Apelin e Krimeve të Rënda.
Gjithashtu sot u vendos që Shukri Xhelilit të mos i lejohet të ushtrojë funksione publike për 5 vite.
Shukri Xhelili ishte pjesë e një video-skandali të denoncuar në Ora News. Ai u kap mat duke i kërkuar favore seksuale një vajze që e kishte punësuar në bashki. Xhelili e pranoi akuzën dhe pranoi gjykim të shkurtuar.
