Ministria e Arsimit, sot, në Pallatin e Kongreseve ka organizuar një aktivitet me mësues nga e gjithë Shqipëria me temë: Së bashku për shkollën që duam.
Ajo që bie më tepër në sy, përveç teatrit, në mbishkrimin mbrapa skenës ku po flet ministrja e Arsimit Lindita Nikolla, organizatorët e këtij aktiviteti me përmasa kombëtare, nuk janë treguar të kujdesshëm në respektimin e drejtshkrimit të gjuhës shqipe.
Fjalia e shkruar: ‘Sëbashku për shkollën që duam’, ka një gabim të rëndë drejtshkrimor. Së bashku, shkruhet ndarazi dhe jo bashkë nëse i referohesh drejtshkrimit.
Ministrja Nikolla, deklaroi se do të vijojnë investimet në arsim, që, sipas saj, do të mundësojnë “barazinë reale në procesin e edukimit”.
“Në 4 vite arritëm të bënim një reformë në çdo centimetër. Puna jonë është matur me gjykimin e prindërve, nxënësve dhe mësuesve. Unë jam e vendosur të largoj politikën nga shkolla”, tha Nikolla.
Pavarësisht zërave kundër reformave të ndërmarra nga Ministria e Arsimit, kjo e fundit, ka konkretizuar ditën e sotme Raportin Kombëtar, mbi arritjet dhe cilësinë në sistemin shkollor në vend.
Vetëm pak ditë na ndajnë nga starti zyrtar i fushatës elektorale dhe me sa duket, mësuesit e ardhur nga e gjithë Shqipëria nuk kanë arritur t’i shpëtojnë propogandës dhe falsiteteve të panevojshme.
Ata janë dëshmitar të progresit, rritjes së pagës, investimeve në infrastrukturë dhe gjithashtu, pas katër viteve, të vetëdijshëm sa janë mbajtur premtimet e bëra po katër vite më parë, pa pasur fare nevojë të propogandosh me gabime drejtshkrimore.
