Aktualitet

Skandali me 1.3 mln euro në AKBN, biznesmeni fiton lirinë nga arratia


Bëhu pjesë e Grupit Zyrtar të Opinion.al
>> KËTU <<
               Publikuar në : 17:23 - 03/11/20 |
Al Do

Gjykata e Apelit të Tiranës ka vendosur të heqë masën e sigurisë “arrest me burg” për Isuf Berberin, një nga biznesmenët e hidrokarbureve, të shpallur në kërkim për falsifikimin e faturave me vlerë 1.3 milionë euro në bashkëpunim me zyrtarë të AKBN-së.

Berberi është bashkëpronar i kompanisë “Phoneix Petrolium”. Kjo shoqëri ka marrëveshje për shfrytëzimin e puseve të naftës me qeverinë shqiptare dhe ecuria e saj mbikëqyret nga AKBN. Ajo akuzohet për falsifikimin e 8 faturave me vlerë 1.3 milionë euro.

Në dosjen e prokurorisë thuhet se kompania amerikane “Black Sëan Energy Services”, i dërgoi email ministrit Damian Gjiknuri dhe disa krerëve te institucioneve përgjegjëse, duke bërë të ditur se bosët e “Phoneix” kishin falsifikuar tetë fatura me vlerë 1.3 milionë dollarë, për shërbime që nuk i kishin marrë prej tyre.

Skandali i “Phoneix” dhe AKBN çoi në pranga tetë zyrtarëve, ndërsa biznesmeni u shpall në kërkim pasi u arratis ditën që do të ekzekutoheshin urdhër-arrestet.

Gjykata e Shkallës së Parë vendosi ndaj tij masën “arrest me burg”. Por treshja e Gjykatës së Apelit, Elbana Lluri, Zeqine Sallaku dhe Elona Toto kanë vendosur lirimin e tij pa u dorëzuar ende.

Kujtomë se për këtë çështje është arrestuar edhe drejtori i hidrokarbureve në AKBN, Klodian Gradeci. /Opinion.al

Pas