Bota

Dy shtetas të tjerë maqedonas të përfshirë në sulmin në Vjenë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:35 - 03/11/20 |
Opi Nion

Ministria e Punëve të Brendshme e Maqedonisë së Veriut ka bërë të ditur se përveç Kujtim Fejzulait, edhe dy persona të tjerë, shtetas maqedonas kanë qenë të përfshirë në sulmin terrorist që tronditi Vjenën mbrëmjen e djeshme.

“Nga lista e policisë austriake, e cila iu dorëzua policisë tonë,  u konstatua se edhe dy persona të tjerë, të përfshirë në sulm kanë shtetësinë e Republikës së Maqedonisë Veriore, përkatësisht K.F. (i lindur në Modling, Austri), A.G. (i lindur në St. Polten, Austri) dhe U.A. (i lindur në Vjenë, Austri). Sektori për Bashkëpunim Policor Ndërkombëtar në Ministrinë e Brendshme u vu menjëherë në dispozicion të kolegëve nga Austria dhe ne po bashkëpunojmë intensivisht me të gjithë elementët që lidhen me këtë rast”, thuhet në njoftimin me shkrim të MPB-së në Shkup.

Ministria e Punëve të Brendshme e shtetit fqinj bëri me dije se kryeministri maqedonas Zoran Zaev zhvilloi një telefonatë me kancelarin austriak, Sebastian Kurz.

“Kryeministrat shprehën gatishmërinë për të vazhduar komunikimin dhe bashkëpunimin në lidhje me sulmin terrorist nëse shërbimet austriake përcaktojnë një nevojë të tillë”, thuhet në njoftimin e Ministrisë së Punëve të Brendshme.

Në sulmin terrorist në Vjenë mbetën të vrarë katër persona, ndërsa numri i personave të plagosur është 22./ Opinion.al

Pas