Media ka folur gjatë për këtë skandal, por tashmë emri i tij është bërë publik.
Sipas Football Leaks, futbollisti që u kap me doping në finalen e Champions League është Sergio Ramos.
Mbrojtësi legjendar i Real Madrid u gjet pozitiv ndaj një testi anti-doping të bërë para finales së Champions League të luajtur kundër Juventus në Kardif.
Ngjarja u kthye në skandal pasi u fsheh nga UEFA.
Të dielën e 4 qershorit të 2017-ës një mostër u dërgua në laboratorin e dopingut në Seibersdorf, një qytet në Austri, në jug të Vjenës.
Mostra mbante kodin 3324822 dhe u dërgua nga Uellsi.
Në shishen e mbyllur ishin 110 mililitra urinë të marra nga një lojtar i Real Madrid vetëm një natë para finales.
Vetëm një muaj më vonë, më 5 korrik, drejtori i laboratorit në Seibersdorf dërgoi një raport në zyrat e UEFA-s.
Laboratori pasi analizoi kampionin gjeti gjurmë deksametazoni.
Kjo është një substancë që ka një efekt kundër dhimbjeve ose ënjtjeve të mundshme.
Po kështu rrit përqendrimin dhe euforinë.
Por substanca është pjesë e listës së medikamenteve të ndaluara nga WADA, agjencia ndërkombëtare anti-doping.
Ky informacion nuk u bërë asnjëherë publik dhe dokumenti mbetet i mbyllur në zyrat e UEFA-s.
Ndaj Ramos nuk u morr asnjë masë disiplinore.
Po kështu as kundër doktorit të Real Madrid, pavarësisht të gjitha anomalive të rastit.
Kjo ngre shumë dyshime pse UEFA e fshehu këtë ngjarje.
Dy ditë pas marrjes së raportit nga Austria, një pjesëtar i grupit anti-doping të UEFA-s ka kontaktuar Ramos për të marrë një shpjegim.
Lojtari është përgjigjur më 10 korrik me një deklaratë prej katër rreshtash. Doktori i Real Madrid, ka shkruar ai, e ka mjekuar një ditë para ndeshjes.
Të gjitha detajet e tjera, ka bërë të ditur Ramos, janë përfshirë në një “raport mjekësor” të përgatitur nga mjeku. “Shpresoj që kjo të sqarojë plotësisht situatën”, ka qenë mbyllja e deklaratës më shkrim të Ramos.
