Prokuroria e Posaçme kundër Korrupsionit dhe Krimit të Organizuar (SPAK) ka pezulluar disa nga kompanitë që ishin aktive në lidhje me inceneratorët.
Sipas “News24”, është pezulluar veprimtaria e disa kompanive: Best Service, Frogi dhe Frogi 03.
Ky vendim i SPAK vjen pas denoncimit të bërë disa ditë më parë nga kryetarja e LSI, Monika Kryemadhi, e cila denoncoi kompani fiktive kishin bërë evazion fiskal përmes skemës abuzive të inceneratorëve.
Bëhet fjalë për kompanitë fiktive të regjistruar për menaxhimin e mbetjeve duke falsifikuar firmat e disa të moshuarve që jetojnë në kushte të vështira ekonomike apo që kanë ndërruar jetë.
