Aktualitet

Situata në Rinas, anulohen fluturimet e paradites së sotme


Bëhu pjesë e Grupit Zyrtar të Opinion.al
>> KËTU <<
               Publikuar në : 08:54 - 08/04/21 |
Opi Nion

Në aeroportin “Nënë Tereza”, vijojnë të jenë të pezulluara fluturimet, si pasojë e grevës së kontrollorëve të trafikut ajror.

Sikurse vihet re në faqen zyrtare të TIA-s fluturimet e planifikuara për tu kryer paraditen e sotme janë të anuluara.

Ndërkohë, policia ka shoqëruar 28 kontrollorë, të cilët ishin pjesë e protestës.

Mësohet se kontrollorët janë shoqëruar për t’u marrë në pyetje pasi Prokuroria ka nisur hetimet për shpërdorim detyre.

Në aeroportin e vetëm në Shqipëri prej mëngjesit të djeshëm është pezulluar puna dhe nuk mund të realizohet asnjë fluturim, si në hyrje dhe dalje.

Shkak është bërë greva e kontrollorëve, e cila nisi pas kërkesës së disa punonjësve të cilët pretendonin se janë të paaftë në punë. Më tej të gjithë kontrollorët iu bashkuan atyre duke kërkuar rikthimin e pagës në gjendjen fillestare, kushte më të mira pune dhe rikthimin në detyrë të disa kolegëve për të cilët ka nisur procedura e shkarkimit.

Lidhur me këtë situatë, kryeministri Edi Rama akuzoi opozitën dhe Presidentin Ilir Meta se qëndron pas bllokimit të Rinasit, ndërsa kontrollorëve u vendosi ultimatum që të rikthehen në punë deri nesër, në të kundërt do të largohen.

Ministrja Balluku e cilësoi veprimin e kontrollorëve grusht shteti dhe pasditen e djeshme dërgoi në Rinas ushtrinë dhe policinë për të marrë në dorë kullën e kontrollit me argumentin se është objekt me rëndësi të veçantë./Opinion.al

 

Pas