Kryetari i PD-së Lulzim Basha ka reaguar për deklaratës së Kryeministrit Rama për sigurimin e një kontrate për 500 mijë vaksina të kompanisë Pfizer.
Përmes një publikimi në Tuiter, Basha shprehet se Rama po i shet dështimet si sukses, dhe se premton të sjellë shumë pak vaksina.
Postimi i plotë
Si përherë Rama përpiqet t’i shesë dështimet si suksese. Shqipëria është vendi që jep ndihmën më të vogël ekonomike për qytetarët e saj. Rama premton të sjellë shumë pak vaksina, dhe shumë vonë krahasuar me vendet e tjera.
Serbia dhe Maqedonia e Veriut kanë nisur ndërkohë vaksinimin, ndërsa Rama shkoi në Nju Jork për të blerë këpucë të reja! Ky i dështuar duhet të largohet nga qeverisja, që Shqipëria të ndryshojë e të shpresojë sërish.
