Rrjeti i tij i dyqaneve ka nisur të bëhet ndër më të preferuarit e shqiptarëve, duke njohur një rritje të jashtëzakonshme gjatë vitit të fundit. Bëhet fjalë për markën e veshjeve, Zara. T
hemeluesi i saj tashmë është zyrtarisht njeriu më i pasur në botë.
Spanjolli Amencio Ortega ka tejkaluar Bill Gates. Pasuria e tij personale njohu rritje me 1.7 miliardë dollarë këtë javë, duke arritur në 79.5 miliardë dollarë. Bill Gates nga ana tjetër ka një pasuri prej 78.5 miliardë dollarë.
80vjeçari pritet që t’ia kalojë pasurinë e tij të bijës bukuroshe, Marta. 31vjeçarja Marta po bën trajnime në kompani. Që kur ishte e vogël, ajo merrej me sistemin e rafteve në dyqanet e kompanisë. Ortega u bë njeriu më i pasur në botë të mërkurën, raporton Forbes.
Kompania e tij Inditex përfshin emra të tillë si Zara, Massimo Dutti dhe Pull&Bear. Djali i një punonjësi hekurudhash në La Coruna të Spanjës, Ortega arriti të transformojë firmën e veshjeve Inditex nga një sipërmarrje e vogël familjare veshjesh në kompaninë më të madhe në Spanjë. Vitin e shkuar shitjet e kompanisë lulzuan ndjeshëm dhe aksionet e Inditex u rritën me rreth 40 përqind.
Ai ka 59.3 përqind të aksioneve. Tashmë Inditex ka 6 mijë dyqane në 90 vende të botës. Punën e nisi që kur ishte 14 vjeç si shpërndarës rrobash për një firmë këmishash. Brenda pak vitesh ai kishte firmën e tij, që prodhonte fustane gjumi, të brendshme dhe rroba fëmijësh.
Zara e parë u hap në Spanjë në vitin 1975. Ortega nuk jep kurrë intervista dhe rrallë fotografohet. Ai njihet për faktin se i përzgjedh dizajnet nga reagimi që merr prej shitëseve në dyqan.
“Nëse ai flet me një shitëse dhe i pëlqen ajo që thotë ajo, ai i kushton asaj më shumë vëmendje sesa menaxherëve të tij,” tha një ishdrejtor i kommapnisë. Gruaja e tij e parë dhe ishthemeluese e kompanisë vdiq në mënyrë të papritur në gusht të vitit 2013.
Gruaja e tij e dytë, Flora Perez, 61 vjeç është pjesë e bordit të Inditex. Pasuritë e tij të patundshme i tejkalojnë vlerën e 6 miliardë eurove
