Aktualitet

Si ta lexojmë votimin në Holandë, një shenjë e keqe për negociatat


               Publikuar në : 11:45 - 17/04/19 |
geliano fataj

Dhoma e përfaqësuesve në Holandë miratoi të martën me shumicës votash, 92 nga 150, një propozim të paraqitur nga 5 forca politike, 3 prej të cilave pjesë e koalicionit në pushtet, sipas të cilit Qeveria e këtij vendi do të duhet t’i kërkojë Komisionit Europian të pezullojë mekanizmin e regjimit pa viza.

Kërkesa u motivua me rritjen e aktivitetit të organizatave kriminale shqiptare që veprojnë në këtë vend.

Gjatë diskutimeve, ministri i Jashtëm holandez Staf Blok por dhe ai i Brendshëm e i Drejtësisë Ferdinand Grapperhaus mësohet se e kanë kundërshtuar kërkesën.

Por çfarë ndodh më pas?

Rezoluta e Parlamentit holandez i është drejtuar qeverisë së Holandës. Nëse qeveria e miraton që të zbatohet duhet edhe miratimi i Komisionit Europian. Sidoqoftë vendimi i qeverisë holandeze dhe më pas i KE, rezoluta e parlamentit holandez për rikthimin e vizave për shqiptarët hedh hije në shpresat e Shqipërisë për të hapur negociatat e anëtarësimit me BE pak muaj më vonë.

Nëse vetëm një vend i BE-së voton kundër, atëherë hapja e negociatave do të dështojë. Përpara se të votojnë në grup, parlamentet e vendeve anëtare e shqyrtojnë vendimin. E siç duket Holanda do të nxjerrë “kartonin e kuq”./Opinion.al

Pas