Është pak e vështirë të vendosësh për Shën Valentinin. Mund të prisni deri në momentin e fundit dhe të bëni atë që ndjeni, por nëse ndodh kjo gjasat janë që thjesht do të dilni për darkë e kaq. Fatmirësisht universi mendon për çdo gjë, madje edhe për jetën tuaj sentimentale e si ta bëni ditën e Shën Valentinit sa më të bukur. Qofshit ose jo fanatikë të horoskopit, hidhini një sy këtyre ideve sepse mund të funksionojnë:
Dashi: ju kërkoni emocion dhe sfidë edhe në dashuri ndaj takimi romantik perfekt për ju duhet të përmbajë element rreziku. Mund të shkoni për ski ose patinazh me të dashurin/ën tuaj dhe të bëni gara. Këto kompeticione do ta nxehin më shumë situatën dhe do të jeni gati ta zgjidhni në krevat.
Demi: ju jeni tradicional, ndaj çokollatat dhe trëndafilat e kuq i doni vërtetë. Pas këtyre, si të apasionuar pas ushqimit që jeni dhe këtë e dinë të gjithë, zgjidhni një restorant luksoz dhe ngacmoni shijet tuaja me ushqime që nuk i keni provuar më parë. Për ju dashuria vjen vërtetë nga stomaku.
Binjakët: bëni çfarëdolloj plani por mos harroni të keni edhe një rezervë. Juve do ju pëlqejë një vend që të mund të flisni të qetë dhe të shijoni atmosferën ndaj në vend të një lokali natë, zgjidhni një mbrëmje live. Megjithatë ky është vetëm një sugjerim sepse për ju funksionon çdo gjë.
Gaforrja: romanca është emri juaj i dytë, ndaj një vakt i përgatitur në shtëpi dhe një natë e qetë është perfekte për ju. Sido që ta kaloni natën tuaj në shtëpi, e rëndësishme është privatësia. Sigurohuni që të jeni vetëm ju.
Luani: juve ju pëlqen t’i bëni gjërat siç duhet dhe Shën Valentini nuk përbën përjashtim. Një dhuratë kuptimplotë për të nisur mbrëmjen dhe një atmosferë feste për ta mbyllur është takimi ideal për ju. Shkoni në restorante që edhe mund të kërcehet dhe shijoni natën.
Virgjëresha: ju dëshironi ta festoni Shën Valentinin por nga ana tjetër nuk dëshironi të shpenzoni as shumë para të panevojshme. Ajo që ju duhet ju dhe partnerit është një masazh në çift. Nëse darka është e rëndësishme për ju, zgjidhni një restorant me të gjitha kuzhinat.
Peshorja: juve ju pëlqen e bukura ndaj planifikoni një ditë në të cilën mund të vishni diçka që të dukeni magjepsës. Provoni restorante me kopshte apo bar kafe në të cilat mund të shijoni pamjen. Kur rrethoheni nga e bukura do të ndiheni edhe seksi.
Akrepi: juve ju pëlqen intensiteti, ndaj një film misterioz ose thriller në kinema është perfekt për ju. Mund të duket pavend, por ju garantojmë që do të intrigoheni më vonë. Pas kësaj shkoni në një bar të rehatshëm ku mund të uleni në një cep dhe të përkëdheleni në krahët e njëri-tjetrit.
Shigjetari: disa e Shën Valentinit për ju duhet të jetë një thyerje nga rutina. Dilni nga qyteti dhe planifikoni një piknik diku ku nuk keni qenë më parë. Për darkë provoni një restorant jo tradicional me kuzhinë ndërkombëtare.
Bricjapi: ju e dini me siguri se çfarë duhet të bëni për Shën Valentin. Ndaj çfarëdolloj gjëje që keni në kokë mund të filloni ta realizoni sepse do të jetë gjëja e duhur.
Ujori: ju asnjëherë nuk bëni atë që bëjnë edhe të tjerët e kjo vlen edhe për Shën Valentin. Ajo që do të shijoni këtë ditë është një aktivitet i çfarëdoshëm me partnerin tuaj.
Peshqit: ju jeni një shenjë super romantike ndaj një Shën Valentin klasik është perfekt për ju. Një darkë dhe film romantik që vijon me një vaskë me flluska dhe qirinj do t’jua bënte qejfin jashtëzakonisht./Opinion.al
