Aktualitet

“Si s’i patë ndërtimet pa leje?”, Rama:Drejtësia funksionon me të dobëtit jo me të fortët



Bëhu pjesë e Grupit Zyrtar të Opinion.al
>> KËTU <<
               Publikuar në : 10:40 - 29/09/22 |
Opi Nion

Teksa në ambientet e kryeministrisë ditën e sotme po prezantohet shërbimi satelitor në Republikën e Shqipërisë, në kuadër të mbikqyrjes së territorit të vendit, kryeministri Rama është ndalur edhe te ndërtimet pa leje.

Gjatë fjalës së tij Rama tha se ndërtimet pa leje  janë rezultat i mosfunksionimit siç duhet të një zinxhiri kontrolli që hallkën e vet të dobët ka drejtësinë që funksionon me të dobëtit, por jo me të fortët.

 “Si ka mundësi që ju i patë vetëm tani? Ku i kishit sytë ju, madje edhe mua vetë më drejtohet pyetja “si nuk e pe këtë kullë”? Dhe ky debat për këtë temë ka një natyrë që lidhet jo me konkretësinë e ngrehinave të larta nëpër qytet apo qytete, por lidhet me një marrëdhënie të shtetit në terren me ligjin dhe me qytetarët, me interesin publik dhe me korrupsionin, me zbatimin e detyrave dhe me ryshfetet. Beteja më e madhe dhe më e gjatë një proces shtetndërtimi është beteja për të ndërtuar një tërësi institucionesh që funksionojnë si pjesë e një makinerie që nuk ka emër të përveçëm. Ne kemi bërë një transformim rrënjësor në raport mes shtetit dhe qytetarit, duke kaluar 95% të shërbimeve në portalin e-Albania dhe duke i dhënë mundësi që shërbimet t’i marrin pa pasur kontakt me persona të përveçëm. Në terren kemi një problematikë, e cila edhe pse sot është më e lehtë, vazhdon të jetë problematikë që rëndon biznese, që është problematika e individëve, emra të përveçëm në funksion të një detyre shtetërore, për të bërë presion mbi biznesin dhe për të marrë ryshfet. Ky është fakt, këto ngrehina janë rezultat i mosfunksionimit siç duhet të një zinxhiri kontrolli që hallkën e vet të dobët ka drejtësinë që funksionon me të dobëtit, por jo me të fortët”, shtoi Rama.

Pas