Atentat në mes të ditës, në një nga zonat më të populluara të qytetit bregdetar. Të paktën një person ka mbetur i plagosur (me inicialet D.C, kalimtar) në Vlorë, pas një atentati me armë zjarri në zonën e Lungomares.
Sipas dëshmitarëve janë dëgjuar katër të shtëna me armë zjarri. Disa persona kanë qenë në një lokal, kur pranë tyre kanë mbërritur të tjerë persona dhe kanë qëlluar me armë.
Autorët më pas janë larguar me një automjet, i cili është gjetur i djegur në zonën e Babicës, në periferi të qytetit bregdetar.
Një ditë më parë, Prokurorja e Përgjithshme e Përkohshme, Arta Marku tha se Vlora është qyteti me kriminalitetin më të lartë në vend.
“Rrethi me kriminalitetin më të lartë është Vlora. Kriminalitet të lartë paraqet Shkodra, Elbasani dhe qytetet e tjera më pas”, u shpreh Marku në një intervistë televizive./Opinion.al
