Ne emisionin “Opinion” te dites se enjte, dy kreret e partive me te medha opozitare, Lulzim Basha dhe Monika Kryemadhi ngriten akuza te renda ndaj qeverise per lidhjet e saj me krimin, teksa publikuan foto te nje eksponenti nderkombetar te krimit dhe pikerisht te Durim Kecit me deputete te partise socialiste. Por cili ishte Durim Keci, ne syrin e mediave te Italise, vend ku rezulton i gjykuar per disa krime.
***
Ai ishte konsideruar si një prej të pandehurve më të rrezikshëm të mafias shqiptare dhe u dënua me 18 vite burg. Gjatë seancave gjyqësore kishte kërcënuar dy gjyqtarët e çështjes, Francesca Nanni dhe Silvio Franz ku ishte shprehur se do i bënte të paguanin shtrenjtë. Mes polemikash u mbyll faza e pare e procesit.
Bëhet fjalë për Durim Kecin, i lindur në Durrës më 07/09/1977. Pavaresisht kërcënimeve, rrezikshmërisë që paraqiste dhe dënimit të rëndë, Keci arriti të lirohej nga burgu. I vetmi detyrim që kishte, ishte të mos largohej nga Bolonja, urdhër ky i dhënë nga Gjykata e Lartë, sipas të cilës nuk kishte rrezik për arratisje.
Por 48 orë më vonë i pandehuri Gëzim Keci ishte zhdukur pa lënë gjurmë. Askush nuk e dinte vendndodhjen e tij. Për të nuk ishte e vështirë të pajisej me dokumente të reja, dhe më pas të fluturonte nga Bolonja drejt Tiranës. Dhe nëse përsëri ka nevojë për para, ai mund t’i rikthehet me lehtësi trafikut të drogës dhe prostitucionit për të cilin u dënua me aq vite burg nga Gjykata italiane.
Ky lajm i klasifikuar si “konfidencial” vjen nga Italia në një klimë të vështirë për sa i përket këtij procesi të vështirë gjyqësor. Gjykata e Chiavari-t ka refuzuar të gjithë avokatët e të akuzuarit shqiptar. Mësohet se implikimet e të akuzuarit janë më tepër se 5 milionë euro të deklaruara.
Në këtë çështje janë të përfshirë të paktën 100 shqiptarë ku bëhet fjalë edhe për persona të ligjit, të cilët mësohet se kanë gisht në arratisjen e të akuzuarit. Një nga pikëpyetjet më të mëdha mbetet arsyeja e lirimit të Kecit pas akuzave të rënda. Gjykatësit janë në zi, dhe të gjithë dyshimet tashmë bien mbi ta.
Shenim: Ky shkrim eshte shkeputur nga gazeta italiane “La Republica” dhe i perket janarit te vitit 2006
Me poshte linku i gazetes/
http://ricerca.repubblica.it/repubblica/archivio/repubblica/2006/01/05/fuggito-il-boss-della-mafia-albanese.html
Fotoja qe shoqeron lajmin, u publikua nga deputetja Monika Kryemadhi, ne emisionin Opinion te dites se enjte. Aty shihet Durim Keci, me nje grup militantesh socialiste qe mbajne veshur bluza me siglen e kesaj partie. Durim Keci qendron ne kembe, i treti ne numerimin nga e majta ne te djathte te fotografise
