Policia e Shtetit njoftoi arrestimin e një 32-vjeçari i cili përmes hakerimit kishte arritur të përfitonte 15.5 milionë lekë të reja nga pagat e luftës.
I arrestuari Denis Trungu kishte arritur që të ndërhynte dhe të hakeronte sistemin e ngritur nga qeveria për përfitimin e pagës së luftës.
Pas këtij hakerimi, ai ka mundur të kryej 36 transaksione në vetëm një llogari bankare në emrin e tij, gjë që ka sjell dyshime që autoritetet të nisin hetimet.
32-vjeçari rezulton i dënuar më parë për vepra të ndryshme penale. Aktualisht mbi Denis Trungun rëndon akuza “Mashtrimi kompjuterik”./ Opinion.al
