A e keni pyetur ndonjëherë veten pse ka kaq shumë fëmijë të lindur në shtator? Në fakt ka një arsye shkencore për këtë gjë. Sipas ekspertëve, nuk duhet të vijë si surprizë që shumica e bebeve janë ngjizur gjatë periudhës së Krishtlindjeve. Kombinimi i cilësisë së spermës, ovulimit, si edhe rritjes së aktivitetit seksual gjatë kësaj periudhe, mund ti shpjegojë të gjitha.
Një studim mes ngjizjes dhe stinëve apo ndryshimeve që pëson trupi në varësi të tyre, ka dalë në përfundimin se cilësia e spermës është më e mirë në dimër. Por arsyet biologjike nuk janë të vetmet që i bëjnë ngjizjet më të shpeshta në dimër. Ulja e temperaturave, rrit aktivitetin seksual mes çifteve, ndaj gjasat janë më të mëdha për një shtatzëni të mundshme.
