Aktualitet

Shtyhet orari i kalimit në Kakavijë, kufiri i hapur nga ora 07:00 – 23:00


Bëhu pjesë e Grupit Zyrtar të Opinion.al
>> KËTU <<
               Publikuar në : 13:24 - 20/11/20 |
Opi Nion

Ambasada shqiptare në Greqi ka sqaruar qytetarët shqiptarë lidhur me rregullat e lëvizjes në pikat kufitare me Greqinë.

Përmes një njoftimi, ambasada konfirmon bllokimin e pikës kufitare të Kapshticës, ndërsa thekson se do të ketë një shtyrjen të orarit të kalimit në pikën kufitare të Kakavijës.

Ambasada thotë se do të lejohet lëvizja e njerëzve, automjeteve, kamionëve në Kakavijë por me orarin 7:00-23:00, ndërsa bëhet me dije se qytetarët që hyjnë në territorin grek duhet të karantinohen për një javë.

Ndërkohë në njoftim nënvizohet se kush hyn në Greqi për nevoja absolute pune dhe del nga territori i saj, nuk ka mundësi më të hyjë deri në përfundim të afatit të vendimit.

Njoftimi i ambasadës

Nisur nga njoftimi zyrtar i Autoriteteve të Policisë Greke në PKK Kapshticë, që prej datës 20.11.2020 ora 06:00 deri në datë 04.12.2020 ora 23:59, Pika e Kalimit Kapshtice do të jetë TOTALISHT e MBYLLUR për këmbësorët, automjetet, autobusët dhe kamionët si në hyrje ashtu dhe në dalje të Greqisë!
1. Ndalohet kalimi në PK Kapshticë. Kushdo që do hyjë nga kjo pikë në territorin grek deri në (20.11) në orën 6:00 duhet të vetëkarantinohet 1 javë.
2. Lejohet kalimi i njerëzve, automjeteve, kamionëve në Kakavijë. Vetekarantinim i detyrueshëm 1 javë pavarësisht shtetësisë. Penalitete: 5000€ në rast shkelje.
3. Orari i lëvizjes në Kakavijë 7:00- 23:00. Limiti 750 persona.
4. Kush hyn në Greqi për nevoja absolute pune dhe del nga territori i saj, nuk ka mundësi më të hyjë deri në përfundim të afatit të vendimit.
5. Afati i vendimit 20.11- 4.12.2020

Pas