Bandat e organizuara të krimit po nxisin rritjen e numrit të fëmijëve britanikë që përdoren si skllevër modern, madje e kanë dyfishuar atë.
Rreth 1 500 rrjete kriminale funksionojnë në Britani të Madhe, dhe kanë prekur çdo forcë policore në Angli dhe Uells. Bandat janë të njohura për shfrytëzimin e fëmijëve që përdoren si korrierë për të marrë drogë nga qytetet e qytetarët tek konsumatorët në zonat rurale.
Këto banda janë quajtur nga shefat e policisë si nxitës kryesor për rritjen e krimit të dhunshëm në vitet e fundit. Shifrat e skllavërisë moderne treguan se në vitin 2018 u identifikuan 6,993 viktima, nga 5,142 në vitin 2017. Viktimat ishin kryesisht britanikë, shqiptarë dhe vietnamezë.
Për vitin 2018, u identifikuan 1.625 raste të viktimave në Mbretërinë e Bashkuar, krahasuar me 819 vitin e kaluar. Shkaqet e vdekjeve nga skllavëria moderne përfshinin ndër të tjera shfrytëzimin seksual, dhe heqjen e organeve. Dy të rritur dhe katër fëmijë u identifikuan si viktima të mundshme të heqjes së organeve.
Ndërkohë shifrat e publikuara nga Agjencia Kombëtare e Krimit (NCA) kanë zbuluar numrin e rasteve moderne të skllavërisë, të cilat kanë pësuar rritje nga 676 të mitur në vitin 2017, në 1421 në vitin 2018, vetëm në Mbretërinë e Bashkuar. Në të gjitha kombësitë, numri u rrit nga 2,118 në vitin 2017 në 3,137 në vitin 2018, një rritje prej 48 përqind.
Shifrat vjetore vijnë nga numri i rasteve të paraqitura nën Mekanizmin Kombëtar të Referimit (NRM), i përdorur për të identifikuar rastet e skllavërisë moderne.
Zëvendësdrejtori i NCA, Roy McComb, tha:
“Rritja është pa dyshim rezultat i vetëdijes, dhe raportimit më të madh të skllavërisë moderne dhe kjo është diçka për t’u mirëpritur. Sidoqoftë, sa më shumë shikojmë, aq më shumë gjejmë, dhe ka të ngjarë që këto shifra përfaqësojnë vetëm një pamje të shkallës së vërtetë të skllavërisë dhe trafikimit në Mbretërinë e Bashkuar. Një shqetësim i veçantë është rritja e referimeve të bëra për shfrytëzimin e fëmijëve nga bandat kriminale për qëllime të trafikut të drogës.”/Opinion.al
