Kryesore

Shqiptarët gjobiten në doganat greke, ekspertja këshillon si të veprojnë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:43 - 19/05/20 |
Opi Nion

Qytetarë të ndryshëm kanë denoncuar në mënyrë të vazhdueshme ditët e fundit, masat ndëshkimore të policisë greke, lidhur me kalimin e afatit 90-ditor të qëndrimit në zonën Shengen.

Në adresën e Opinion.al kanë mbërritur shumë mesazhe, mes të cilave edhe ai i një qytetari, që tregon se në datën 18 maj është gjobitur nga dogana greke me 600 euro. Ai shkruan se ka qenë gjithashtu dëshmitar i faktit, që një çift shqiptarësh të moshuar janë gjobitur përkatësisht me 1200 euro.

 

Sikurse autoritetet shqiptare ka bërë me dije, mes tyre dhe autoriteteve greke ka patur një marrëveshje dypalëshe për mosndëshkim të personave, afatet ligjore të të cilëve janë tejkaluar gjatë periudhës së pandemisë, kur kufijtë kanë qenë të mbyllur.

Por çfarë ka ndodhur në një situatë të tillë? Nga Athina, mbrëmjen e së hënës në emisionin “Opinion”, ekspertja e emigracionit Eda Gemi bëri me dije se në fakt ky udhëzim është lëshuar edhe nga Komisioni Europian për vendet anëtare. Atyre u rekomandohet të mos penalizojnë individët që kanë kaluar afatin 90- ditor.

“Në rastin e Greqisë është thënë që e kanë këtë udhëzim, por nuk kam arritur ta shoh të shkruar. Por kjo interpretohet edhe në bazë të të dhënave të disa pasaportave, duke gjykuar historikun e pasaportës së personave. Ka shumë raste të ngatërruar mes burokracive të palës greke apo dhe asaj të palës shqiptare. Kemi raste që  qytetarët kanë shkuar në kufij, janë ndaluar nga forcat greke, s’kanë patur leje të shkojnë nga qarku në qark brenda Greqisë dhe janë gjobitur me 300 euro”, u shpreh Gemi.

Ajo këshilloi qytetarët që përpara se të shkojnë në kufij, të paraqiten në rajonin e policisë, që gëzon disa kompetenca për të zgjatur “vizën” apo kohën e qëndrimit.

“Në rast se personi ka një dokument të fortë në duar, që kanë qenë të shtruar në spital, ose kanë patur diçka tjetër, policia greke zakonisht është tolerante. Fakti është që përpara se të shkojnë në kufij, duhet të shkojnë tek rajoni i policisë së lagjes së tyre, që ka disa kompetenca për ta zgjatur “vizën”, tha ekspertja e emigracionit./Opinion.al

 

Pas