Që prej fillimit të përhapjes së pandemisë COCID-19, shumë shtete në të gjithë botën kanë nisur kërkimet për gjetjen e vaksinës që do të luftojë virusin vdekjeprurës.
OBSH shprehet se 100 vende në Botë janë bërë pjesë e nismës për të gjetur mjekimet e efektshme në kohën më të shpejtë të mundshme kundër koronavirusit.
Ndërkohë, zyra e OBSH në Shqipëri njofton se pjesë e këtij studimi do të marrë pjesë dhe vendi ynë.
Studimi përfshin pacientët në moshë të rritur me COVID-19, të hospitalizuar. Pacientët adultë, të cilët marrin trajtimin spitalor standard, do të marrin gjithashtu medikamente që po studiohen për veprimin e tyre ndaj koronavirusit të ri dhe sëmundjes së shkaktuar prej tij.
Në Shqipëri do të zbatohet i njëjti protokoll standard, sikurse edhe në vendet tjera. Çdo pacient jep pëlqimin e tij nëse dëshiron të marrë edhe medikamentet në studim apo jo. Ekipi mjekësor i trajnuar vlerëson gjendjen e çdo pacienti për sëmundjet bashkëshoqëruese dhe kundërindikimet.
Përmes Studimit klinik të Solidaritetit, do të studiohen medikamentet:
– chloroquine ose hydroxychloroquine;
– lopinavir dhe ritonavir;
– lopinavir/ritonavir plus interferon beta,dhe remdesivir.
Medikamente të tjera mund të shtohen në studim sipas të dhënave kërkimore. Studimi monitorohet nga Komiteti për të dhënat globale dhe monitorimin e sigurisë, i përbërë nga një grup ekspertësh të pavarur./ Opinion.al
