Aktualitet

Shqipëria dhe vendet e tjera kërkuan avionë zjarrfikës,Gjermania: Nuk kemi


Bëhu pjesë e Grupit Zyrtar të Opinion.al
>> KËTU <<
               Publikuar në : 17:01 - 07/08/21 |
Opi Nion

Gjermania nuk ka avionë zjarrfikës. Kështu ka bërë me dije një përfaqësues i Ministrisë së Brendshme Gjermane, duke shpjeguar arsyet pse Berlini ende nuk ka ofruar ndihmë për vendet e përfshira nga zjarret në Evropën Jugore.

“Gjermania ende nuk ka dërguar ndihmë për vendet e prekura nga zjarret në pyje, por për momentin po shqyrtohet nëse mund të dërgojë zjarrfikës në Greqi,” tha zëdhënësi i ministrisë, siç raportohet nga APE.

Sipas tij, që nga fillimi i zjarreve, Greqia, Shqipëria, Italia, Maqedonia e Veriut dhe Turqia kanë kërkuar mbështetje nga Bashkimi Evropian. Përveç kësaj, ndihma e drejtpërdrejtë i është kërkuar edhe Gjermanisë. Shumica e kërkesave kanë të bëjnë me avionët zjarrfikës, të cilët Gjermania nuk i ka, tha zëdhënësi, i cili vuri në dukje, megjithatë, se kërkesa greke po shqyrtohet nga Qendra e Përbashkët e Referencës, njofton CNN grek.

Sipas Agjencisë Gjermane të Lajmeve (dpa), helikopterët e policisë dhe Forcave të Armatosura mund të përdoren për të përballuar zjarret ajrore në Gjermani, megjithëse helikopterët e policisë në disa raste mund të mbajnë vetëm një sasi relativisht të vogël uji.

Kohët e fundit, Grupi Parlamentar i të Gjelbërve bëri thirrje për blerjen e avionëve dhe helikopterëve zjarrfikës në funksion të ndryshimeve klimatike./Opinion.al

Pas