Lulzim Sulejmani, një nga personat që ka mbetur i plagosur në ngjarjen e ndodhur në Bullgari, ku të paktën 45 persona ndërruan jetë shumica e të cilëve shtetas shqiptarë ka arritur të thyejë xhamin dhe të dalë nga autobusi që u përfshi nga flakët.
Por jo vetëm, i riu me kombësi shqiptare por me shtetësi serbe nga Presheva ka arritur të ndihmojë në evakuimin e pasagjerëve të tjerë të mbijetuar nga aksidenti, njofton Ministria e Jashtme Serbe.
Gazeta serbe blic e quan të riun një hero të ngjarjes në Bullgari. “Një hero i vërtetë, një shtetas serb, edhe pse i plagosur, ndihmoi në evakuimin e shtatë pasagjerëve në një aksident të tmerrshëm në Bullgari”, ky është titulli i gazetës blic.
Ndërkohë i riu është vizituar edhe nga Ambasadori i Serbisë në Bullgari, Zhelko Joviç.
Наш држављанин Љуљзим Сулејмани, и сам јутрос повређен у страшном удесу надомак Софије, помогао је да се евакуише седморо путника – свака част и брз опоравак, Љуљзиме! https://t.co/eJeWCTvxCn
— MFA Serbia (@MFASerbia) November 23, 2021
