Aktualitet

Padia ndaj Veliajt, Lulzim Basha paraqitet në Gjykatën e Posaçme


Bëhu pjesë e Grupit Zyrtar të Opinion.al
>> KËTU <<
               Publikuar në : 10:15 - 24/11/21 |
Opi Nion

Kryetari i Partisë Demokratike, Lulzim Basha është paraqitur këtë të mërkurë në Gjykatën e Posaçme për seancën e padisë së bërë kundrejt kryebashkiakut të Tiranës, Erion Veliaj.

Burime për Opinion.al  bëjnë me dije se me kalimin e shqyrtimit të padisë penale për shpifje nga Gjykata e Tiranës në GJKKO, Basha ka refuzuar të pajtohet dhe gjyqi për kallëzimin penal për shpifje ndaj Veliaj ka vazhduar, pavarësisht vonesave të krijuara nga pala e paditur apo mungesa e trupës gjykuese.

Pas ndryshimit të gjyqtares që kishte në dorë padinë penale të Bashës ndaj Veliaj, kreu i PD-së  ka shkuar në seancë për të shmangur pezullimin e çështjes pas ndryshimit të gjyqtares, për të çuar kështu deri në fund përballjen me Erion Veliaj, të cilin e akuzon për shpifje.

Katër muaj më parë, Gjykata e Lartë njoftoi se GJKKO është kompetente për shqyrtimin e të gjitha akuzave penale të ngritura ndaj një zyrtarëve të lartë./Opinion.al

Pas