Bota

“Shpërthimi ndodhi prej bandave kriminale”, 5 të vrarë dhe 26 të plagosur në Ekuador



Bëhu pjesë e Grupit Zyrtar të Opinion.al
>> KËTU <<
               Publikuar në : 09:55 - 15/08/22 |
Opi Nion

Një shpërthim në qytetin port të Guayaquil në Ekuador ka shkaktuar vdekjen e 5 personave ndërsa 26 të tjerë janë plagosur. Zyrtarët qeveritarë në Ekuador kanë fajësuar krimin e organizuar për ngjarjen.

Ministri i Brendshëm i Ekuadorit tha se ishte një “shpallje lufte” nga bandat kriminale kundër qeverisë.

Guayaquil, i cili përdoret si një rrugë kontrabande kokaine nga Peruja dhe Kolumbia fqinje, ka parë një rritje të vrasjeve dhe krimeve të lidhura me bandat kohët e fundit.

Një gjendje e jashtëzakonshme është shpallur në këtë qytet, më i populluari i Ekuadorit dhe një qendër e rëndësishme tregtare. Kjo është emergjenca e katërt që shpallet në Ekuador që nga tetori për shkak të dhunës së bandave.

Sipas Shërbimit Kombëtar të Menaxhimit të Rrezikut dhe Emergjencave, tetë shtëpi dhe dy makina u shkatërruan në shpërthimin e mëngjesit të hershëm. Pamjet nga vendi i ngjarjes treguan pjesën e përparme të shtëpive të shkatërruara dhe xhamat e makinave të lyera me gjak.

Në një konferencë shtypi të dielën vonë, zyrtarët thanë se sulmi ishte drejtuar ndaj dy burrave, të cilët përdorin pseudonimet e Cucaracha dhe Junior dhe janë të lidhur me Los Tiguerones, një nga bandat kryesore të krimit në Ekuador.

“Mercenarët e krimit të organizuar, tani sulmojnë me eksploziv”, shkroi në Twitter ministri i Brendshëm Patricio Carrillo pas shpërthimit. “Është një shpallje lufte ndaj shtetit”, tha ai.

Guayaquil ka parë nivele tronditëse të dhunës dhe trazira vdekjeprurëse në burgje midis bandave rivale. Gati 400 të burgosur janë vrarë në gjashtë trazira që nga shkurti i vitit 2021./Opinion.al

Pas