I është vendosur një sasi tritoli në orën 04:00 të mëngjesit lokalit të reperit Noizy, ‘Rigels Shisha Lounge’ në zonën e plazhit në Plepa në Durrës. Lënda plasëse është vendosur në katin e parë, në të cilin ndodhet dyqani ‘Ilyrian’, po në pronësi të reperit Rigels Rajku.
Nga shpërthimi i tritolit janë dëmtuar xhamat në të dyja katet e ndërtesës. Lokali prej disa kohësh ishte i mbyllur, ndërsa nuk dihet se kush janë personat që i kanë vendosur tritolin.
Vetëm dy ditë më parë reperi u përfshi në një sherr me Kleviol Ahmetin, i njohur ndryshe si Cllevio.
Pas sherrit, Cllevio Serbiano, emri i vërtetë i të cilit është Kleviol Ahmeti ka bërë denoncim në polici. Pas denoncimit policia hetoi në gjendje të lirë reperin Rigels Rajku si dhe babin e tij Bashkim Rajkun.
