Një shpërthim ka ndodhur orët e para të mëngjesit në një lokal në zonën e Komunës së Parisit.
Shpërthimi ka qenë i fuqishëm dhe ka shkaktuar dëme të mëdha materiale por fatmirësisht nuk raportohen të lënduar.
Nga hetimet e para të policisë, shpërthimi është shkaktuar nga një lëndë shpërthyese që është hedhur gjatë orëve të para të mëngjesit të sotëm (rreth orës 03:00) në pjesën e jashtme të lokalit.
Policia ka parë një automjet që ka qarkulluar rreth zonës në momentin e shpërthimit dhe dyshon se mund të jetë makina e autorit.
“Shërbimet e policisë po punojnë për identifikimin dhe kapjen e autori“, thuhet në njoftimin paraprak të Policisë së Tiranës. /Opinion.al
