Dy ngjarje kriminale kanë ndodhur gjatë natës në Vlorë dhe Gjirokastër. Policia tha se në lagjen “Dunavat i dytë” në qytetin e Gjirokastrës i është vendosur tritol në banesën e Gentian Litit.
Nga informacione paraprake dyshohet se një person ka mbetur i plagosur si pasojë e shpërthimit të eksplozivit. Në vendngjarje kanë shkuar forcat e policisë, të cilat kanë nisur hetimet për këtë ngjarje.
“Rreth orës 23:45, njoftohemi se në hyrje të banesës së shtetasit A.L, në lagjen “Dunavat i Dytë”, Gjirokastër, ka shpërthyer një sasi lënde plasëse. Si pasojë është dëmtuar lehtë shtetasi G.L, 34 vjeç,(i biri i shtetasit A.L), si dhe ka dëmtime materiale të banesës”.
Sakaq në qytetin e Vlorës, rreth orës 02:10, në lagjen ”10 Korriku”, i është vendosur lëndë eksplozive automjetit tip
”Audi”, në pronësi të shtetasit S.B., 64 vjeç. “Mjeti ka qënë i parkuar pranë banesës dhe ka dëmtime në pjesën e përparme.
Grupi hetimor po punon për zbardhjen e plotë të ngjarjes dhe për identifikimin e kapjen e autorit/ve”, njofton policia. Ende deri tani nuk ka asnjë motiv për ngjarjet e rrezikshme me shpërthim eksplozivi.
/Opinion.al
