Ish-banorja e “Big Brother”, Rike Roçi, është një personazh mjaft i komentuar i showbiz-it shqiptar. Rike është mjaft aktive në profilin e saj në Instagram dhe i përditëson vazhdimisht ndjekësit me foto nga jeta e saj e përditshme dhe nga udhëtimet e saj, ku duket përherë në formë perfekte.
Mirëpo, duket se Rike ka një hall dhe përkatësisht me sjelljen tradicionale të nuseve ndaj vjehrrave të tyre. Në një postim të bërë në Instastory, ajo i ka drejtuar një pyetje të gjithë fansave të saj. “Ekzistojnë akoma nuset me tabaka që rrini 24 orë në shtëpi duke i bërë punët vjehrrës? Thjesht kuriozitet! Më thoni mendimin tuaj”, ka shkruar Rike, ndërkohë që në një postim tjetër, ka vendosur një sondazh. “Si pas mendimit tuaj, është e drejtë kjo gjë apo jo”, ku ka vendosur alternativat Po-Jo dhe mesa duket, ka triumfuar përgjigjia “Jo” deri më tani. Nuk dihet ende nëse këtë pyetje Rike e ka bërë nga eksperienca e saj personale apo në përgjithësi, pasi ish banorja është mjaft private kur bie fjala tek marrëdhëniet e saj personale.
