Pas procesit të rinumërimit të votave në Tiranë, ka reaguar përmes një postimi në rrjetet sociale deputeti i Partisë Socialiste, i cili e ka cilësuar procesin si një “turp” dhe “pisllëk të pastër”.
Braçe në një postim të fortë në rrjetet sociale, akuzon KAS se po shpall të pavlefshme votat e Partisë Socialiste dhe të tijat personale.
“Nuk ia kam borxh askujt këtë lloj pisllëku, shoqëruar me shënimin ‘votë më shumë’ dhe nënkuptimin ‘të vjedhura’! Janë vota të pastra që KAS po i kthen në të pavlefshme!”, shkruan Braçe.
Gjatë këtij postimi ai shprehet se këto vota janë vlerësuar gjatë numërimit nga KZAZ-të bazuar në një manual të KQZ-së, i cili tani, sipas tij, është zhdukur pa shpjegim.
“Nuk e di çfarë plani kanë, kujt po i heqin këto vota, pra kujt do t’ia marrin mandatin, por ja bën muuuu që ky është turp!”, vijon më tej deputeti socialist.
