Politikë

“Shpërdoroi të gjitha mundësitë“,Blendi Fevziu: Lulzim Basha, një kufomë politike


Bëhu pjesë e Grupit Zyrtar të Opinion.al
>> KËTU <<
               Publikuar në : 19:08 - 29/03/22 |
Opi Nion

Gazetari Blendi Fevziu ka komentuar situatën politike brenda PD dhe dorëheqjen e Lulzim Bashës nga drejtimi i PD.

Gjatë një interviste për “EuroNews”, Fevziu është shprehur se “Lulzim Basha mund të konsiderohet një kufomë politike”.

Feziu ka treguar dhe dy defektet e Bashës që sipas tij, e penalizuan gjatë drejtimit të partisë.

 “Lulzim Basha praktikisht ishte një aset i Partisë Demokratike dhe mbetet një aset qeverisës. Mund të jetë një ministër shumë i mirë në nivele të caktuara. Lulzim Basha dëshmoi dy defekte të mëdha, e para që nuk pati stop politik dhe e dyta që shpërdoroi të gjitha mundësitë e tij,” – u shpreh Fevziu për Euronews.

Për zgjedhjet parlamentare të 25 prillit, Fevziu thotë se Basha nuk mundi të fitonte edhe pse në funksion të tij u vunë të gjithë faktorët e shoqërisë.

“Jo për Bashën kryeministër, por për të mundur Edi Ramën. Pavarësisht kësaj ai nuk mundi të fitonte”, theksoi Fevziu./ Opinion.al

Pas