Kronikë

“Shokun tënd e kam hedhur në mes të detit”, kush ishte Fatbardhi i arrestuar në Spanjë



Bëhu pjesë e Grupit Zyrtar të Opinion.al
>> KËTU <<
               Publikuar në : 21:12 - 02/01/23 |
Opi Nion

“Tetë burra dhe dy gra u arrestuan të akuzuar për aktivitet në një organizatë kriminale, trafik droge, falsifikim dokumentesh, vjedhje automjetesh dhe/ose armëmbajtje pa leje”. Kështu shkruajnë mediat spanjolle për operacionin e raportuar së fundi në bregdetin e Malagës, ndërsa shprehen se drejtuesi i organizatës, shqiptari Fatbardh Dervishi alias Doda ishte një person i rrezikshëm që mbante një pistoletë, gati për të hapur zjarr në momentin e arrestimit.

Ai përdorte disa identitete. Për këtë kishte në përdorim dokumente të rreme identiteti të kombësive të ndryshme. Ai ndryshonte shpesh adresën dhe pamjen e tij fizike. I priste flokët, i lyente ose rriste mjekrën.

Grupi i kryesuar prej tij përdorte  uniforma dhe mjete policie dhe kryente gjithashtu grabitje të shtëpive që shërbenin si magazina droge.

Por veç këtyre, Dervishi akuzohet në Shqipëri se në 3 janar të një viti më parë, plagosi me armë në një hotel në autostradën Tiranë-Durrës 23 vjeçaren E. Koroveshi e prej atëherë rezulton person i shpallur në kërkim. Ndërkohë disa ditë më vonë, në emisionin “Në Shënjestër” në Neës 24, Dervishi u akuzua nga Liza Malshi, nëna e të zhdukurit në vitin 2018 në Spanjë Tauland Malshi, se kishte gisht në zhdukjen e këtij të fundit.

Nëna e të riut tregoi se ishte telefonuar nga shoku i tij Edmir Vlashi i cili i kishte thënë se më 25 gusht 2018, ishte telefonuar nga Fatbardh Doda dhe se Fatbardhi i kishte thënë Edmirit: ‘Mos e kërko më shokun tënd pasi unë kam kry punë me të dhe e kam hedhur në mes të detit në Malaga’./Opinion.al

Pas