Ishte tepër “i pastër” për të kaluar pa u vënë re në pasazhin e tij në portin e Brindisit, ku nuk transportonte asgjë.
Kështu u zbulua ngarkesa me 450 kilogram marijuanë e fshehur në zgavrën e një furgoni të drejtuar një shtetas shqiptar i quajtur Petrit Çarçani.
Transportonte rreth 5 milion euro drogë në bordin e një kamioni të rregullt edhe ai vetë kishte një pasaportë të rregullt, por targa e tij ishte përfshirë në databasen e Polmare të Brindisit, që me ndihmën e autoriteteve të tjera të ligjit kontrollon portin me shumë kujdes pas sulmeve të Parisit.
Në mbrëmjen e djeshme furgoni zbarkoi nga trageti Red Star në mberritje në Brindisi nga Vlora.
Policët ndërsa kontrollonin mjetin zbuluan një zgavër vertikale, e lartë dy metra, në të cilën ishin fshehur 21 qese me 331 pako të vogla droge.
Për ti shpëtuar kontrollit të Antidrogës qeset ishin sistemuar në rroba të lyera me benzinë, një sistem i përdorur në rastet e kontrollit nga njësia e qenve.
Shoferi tha se nuk ishte në dijeni të ngarkesës, por si gjithmonë kishte marrë urdhërin për të çuar furgonin në Firenze ku do të ngarkoheshin mobilie.
Në këtë pikë do të kthehej në Vlorë ku për punën e bërë do të merrte 250 euro si shpërblim. / Opinion.al Dritan Laci
