Ministria e Shëndetësisë njofton se ka ndërruar jetë sot në spitalin infektiv trajneri i boksit, Skënder Kurti., i shtruar prej 20 ditësh në spital, në gjendje të rëndë, i intubuar.
Më herët 61-vjeçari pësoi vdekje klinike dhe prej disa ditësh gjendja e tij ishte rënduar së tepërmi.
Pavarësisht përpjekjeve të mjekëve të Spitalit Infektiv në terapinë intensive, Kurti që vuante nga hipertensioni, nuk ia ka dalë të mbijetojë.
Përveçse trajner, Kurti ka qënë gjithashtu edhe boksier kampion me ekipin e Tiranës, në të cilin zgjodhi më pas që të trajnonte të rinjtë.
Ministria e Shëndetësisë dhe Mbrojtjes Sociale i shpreh ngushëllimet familjes së të ndjerit. Ministria e Shëndetësisë i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare, duke shmangur vizitat tek të afërmit për çdo lloj arsye, për të parandaluar transmetimin e COVID-19. /Opinion.al
