Shqipëria po kalon ditë të vështira që pas goditjes së tërmetit shkatërrues në 26 nëntor, i cili la pas dhjetëra viktima, qindra të plagosur dhe dëme të konsiderueshme materiale.
Ndërkohë,p përveç qarkut të Durrësit, lëkundjet e forta të tërmetit 6.4 ballë shkaktuan dëmtime edhe në qarqet e tjera.
Në Tiranë janë dëmtuar disa pallate dhe shkolla të cilat do të inspektohen ekspertët. Godina e shkollës së mesme “Sami Frashëri” në Tiranë është një nga më të dëmtuarat nga tërmeti.
Ndërkohë, bëhet me dije se edhe shkolla të tjera në Durrës, Krujë dhe Laç, kanë pësuar dëmtime të rënda.
Një ditë më parë, ministrja e Arsimit, Besa Shahini, në një konferencë për shtyp ditën e djeshme, njoftoi se mësimi në Qarkun Durrës do të pezullohet deri në 9 dhjetor, ndërkohë që në Qarkun Tiranë dhe Lezhë pezullohet deri në 5 dhjetor.
