Aktualitet

Shkodër/ Tentoi të përdhunonte studenten, merret në pyetje efektivi


               Publikuar në : 18:18 - 12/02/19 |
b.f

Në llogarinë e Facebook te ish kryeministrit Berisha ka ardhur një tjetër denoncim për përdhunim. Një qytetar nga Shkodra njofton përmes qytetarit digjital se një polic i veshur civil sapo është arrestuar brenda ambienteve të fakultetit juridik.

Ai/ajo shkruan se polici ka dy ditë që ngacmon vajzat e fakultetit dhe njërën ka tentuar ta përdhunojë. Polici është efektiv i forcave të ndërhyrjes së shpejtë, sqaron qytetari. Për t’i ardhur në ndihmë studenteve të shokuara, djemtë në fakultet kanë ndërhyrë dhe e kanë mbajtur të mbyllur në banjo deri sa ka ardhur policia.

Balkanweb raporton efektivi është marrë në pyetje nga Policia e Shkodrës. Ai i ka mohuar akuzat se ka tentuar të përdhunojë apo abuzojë me studenten.

Sipas të njëjtave burime, Balkanweb raporton se i arrestuari ka pranuar që e pëlqente vajzën dhe ia kishte shprehur këtë gjë asaj. Kur vajza e ka refuzuar, ai e ka kapur prej krahu dhe vajza është trembur për shkak të armës. Mësohet se punonjësi i policisë është rreth 25-26 vjeç./E.L

Pas