60 vjeçari Dedë Pllanaj i cili mori 6 plumba gjatë një atentati me armë zjarri një natë më parë në Shkodër.
Pllanaj po merr ndihmë mjekësore në spital, ndërsa ka dhënë dhe dëshminë e tij mbi dinamikën e ngjares.
60-vjeçari është shprehur se është qëlluar në momentin që po qëndronte ulur tek puna e tij tek një karburant në Shkodër nga një person që mbante një kaskë të zezë në kokë që e ka bërë të pmudnur që i ta njohë.
Paraditen e kësaj të diele mësohet se i plagosuri është transportuar drejt Spitalit të Traumës në Tiranë, ndërsa bëhet me dije se e ka kaluar rrezikun për jetën.
“Po qëndroja ulur tek puna në karburant,në një moment erdhi një motoçiketë, drejtuesi i saj ishte me kaskë të zezë. Zbriti dhe u afrua drejt meje dhe më qëlloi. Nuk ia pash dot fytyrën, nuk e di kush ishte. Unë personalisht nuk kam konflikte dhe nuk e di kush mund të jetë dhe as arsyen”, ka thënë ai.
I plagosuri Dedë Pllanaj, është djali xhaxhait i Bardhok Pllanajt që u ekzekutua para një viti me breshëri kallashnikovi, pranë banesës së tij.
Policia ka dyshime se autori është vrasës me pagesë, një metodë që po përdoret thuajse në gjitha ngjarjet kriminale në Shkodër. Efektivët gjithsesi vijojnë punën për identifikimin, gjetjen dhe kapjen e autorit të dyshuar të plagosjes./ Opinion.al
