Bashkimi Evropian i bën thirrje Iranit të ndalojë ekzekutimet e protestuesve dhe dënon përdorimin e dënimit me vdekje si mjet për të shtypur protestat.
“Ne kundërshtojmë përdorimin e dënimit me vdekje në çdo kohë, dhe në veçanti përdorimin e tij për të shtypur disidentët”, tha zëdhënësi i Komisionit Evropian, Anouar El Anouni, gjatë konferencës së përditshme për shtyp, duke theksuar se Brukseli po ndjek “shumë nga afër” raportet për ekzekutime të mundshme të afërta të protestuesve.
Brukseli gjithashtu i bëri thirrje Teheranit të ndjekë “një politikë koherente drejt heqjes së dënimit me vdekje”.
