Bota

Shkencëtarët në Kinë thonë se koronavirusi ka të ngjarë të kthehet çdo vit


Bëhu pjesë e Grupit Zyrtar të Opinion.al
>> KËTU <<
               Publikuar në : 09:00 - 29/04/20 |
Al Do

Shkencëtarët më të lartë të Kinës thanë se koronavirusi nuk do të zhduket, duke i’u bashkuar një konsensusi në rritje në të gjithë botën se patogjeni ka të ngjarë të kthehet në vale, si gripi.

“Nuk ka të ngjarë që virusi i ri të zhduket ashtu si bëri kushëriri i tij i ngushtë, virusi SARS, 17 vjet më parë, pasi infekton disa njerëz pa shkaktuar simptoma të dukshme, si ethe. Ky grup të infektuarisht asimptomatikë e bën të vështirë mbajtjen në kontroll të infektimit, pasi asimptomatikët mund të përhapin virusin paditur,”  tha një grup virologësh dhe studiuesish mjekësorë kinezë, të hënën në Pekin, në një konferencë për shtyp.

Në rastin e SARS,  të infektuarit u sëmurën rëndë. Pasi karantinimit, virusi ndaloi përhapjen. Në rastin e covid-19, Kina është ende duke gjetur dhjetëra raste asimptomatike, çdo ditë, pavarësisht se e kontrolloi epideminë e saj. “Kjo ka shumë të ngjarë të jetë një epidemi që bashkëjeton me njerëzit për një kohë të gjatë, bëhet sezonale dhe është e qëndrueshme brenda trupave njerëzorë,”  tha Jin Qi, drejtor i Institutit të Biologjisë Patogjene.

Po formohet një consensus midis studiuesve dhe qeverive në të gjithë botën, se virusi nuk ka gjasa të zhduket plotësisht, pavarësisht masave të kushtueshme që kanë tkurrur pjesën më të madhe të ekonomisë globale. Disa ekspertë të shëndetit publik janë duke bërë thirrje që virusi të lejohet të përhapet në një mënyrë të kontrolluar përmes popullsive të reja si India, ndërsa vendet si Suedia kanë hequr dorë nga izolimet e ashpra.

Anthony Fauci, drejtori i Institutit Kombëtar të Alergjisë dhe Sëmundjeve Infektive të SHBA, tha muajin e kaluar se Covid-19, sëmundja e shkaktuar nga virusi, mund të bëhet një sëmundje sezonale siç dëshmohet edhe nga rastet që tani po shfaqen në vendet e hemisferës jugore, në prag të stinës së dimrit.

Mbi 3 milion persona janë sëmurë dhe mbi 210,000 kanë vdekur gjatë pandemisë globale.

Ndërsa disa kanë shprehur shpresë se përhapja e virusit do të ngadalësohet pasi temperatura në vendet e hemisferës veriore do të rritet gjatë verës, ekspertët kinezë të hënën thanë që ata nuk gjetën prova për këtë.

“Virusi është i ndjeshëm ndaj nxehtësisë, por kur është i ekspozuar 56 gradë Celsius për 30 minuta dhe moti nuk do të jetë kurrë aq i nxehtë’,  tha Wang Guiqiang, drejtor i departamentit të sëmundjeve infektive të Spitalit të Universitetit Peking. “Kështu globalisht, madje edhe gjatë verës, shansi që numri i rasteve të bjerë ndjeshëm, është i paktë’. /Opinion.al

Pas