Prefekti i Korçës, Dhori Spirollari është shkarkuar nga detyra.
Vendimi është marrë në mbledhjen e sotme të Këshillit të Ministrave.
Ndërsa mëshohet se në vend të tij është emëruar Nertil Jole.
Spirollari mbante postin e prefektit që prej nëntorit të vitit 2017, kur kryeministri Edi Rama ndryshoi të gjithë drejtuesit e prefektuarve në vend.
VENDIMI
LIRIMIN DHE EMËRIMIN NË DETYRË TË PREFEKTIT TË QARKUT TË KORÇËS
Në mbështetje të neneve 100 e 114, të Kushtetutës, dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave
V E N D O S I:
- Dhori Spirollari, prefekt i Qarkut të Korçës, lirohet nga kjo detyrë.
- Nertil Jole emërohet prefekt i Qarkut të Korçës.
Ky vendim hyn në fuqi menjëherë dhe botohet në “Fletoren zyrtare”.
