Është shkarkuar ditën e sotme drejtori i Përgjithshëm i Tatimeve, Enton Duro. Më 27 mars të këtij viti ai është emëruar në krye të tatimeve.
Por pas vetëm 4 muajsh është vendosur largimi i tij, siç thuhet jo zyrtarisht për mosarritjen e objektivave. Në periudhën 2015- 2016 ka punuar si këshilltar në Ministrinë e Financave për çështjet makro-fiskale, statistikave dhe zhvillimit, përmes programit “Lead Albania”.
Në periudhën maj 2018- mars 2019 ka mbajtur postin e Drejtorit të Përgjithshëm të Drejtorisë së Përgjithshme të Taksës së Pasurisë në Ministrinë e Financave dhe Ekonomisë, ku roli dhe sfida kryesore ka qenë krijimi i Kadastrës Fiskale./Opinion.al/
