Prej disa ditësh në Grupin Parlamentar Demokrat ka lindur një debat i ashpër për të marrë postin e kryetarit të këtij grupi, të cilin aktualisht e mban deputetja, Rudina Hajdari.
Lidhur me këtë çështje ka reaguar kreu i Kuvendit, Gramoz Ruçi, i cili ka deklaruar se nuk ka marrë asnjë njoftim nga grupi demokrat lidhur me këtë çështje.
Ruçi i është drejtuar Grupit Parlamentar Demokrat, duke thënë; “Riformatoni grupin parlamentar ju që keni sjellë shkresa. Unifikoni qëndrimet. Është e drejta juaj të zgjidhni kë të doni”.
Ndërkohë, deputeti Murrizi është shprehur se ende nuk është marrë vendimi për shkarkimin e Hajdarit si kryetare e Grupit Parlamentar Demokrat.
Kujtojmë se një ditë më parë, Hajdari teksa theksoi se do të jetë në krye të këtij, grupi, akuzoi kreun e Partisë Demokratike, Lulzim Basha si personi i cili ka sabotuar rolin e saj në Grupin Parlamentar Demokrat.
“Lulzim Basha po mundohet të sabotojë Reformën Zgjedhore. Është tentativë për të spostuar rolin tim”, deklaroi Hajdari./ Opinion.al E.Xh.
