Pas shiut që përfshiu vendin prej 3-4 ditësh tashmë në veri dhe verilindje po bie borë me intensitet. Kështu zona tursitike e Valbonës është pa energji elektrike. Përmes një njoftimi në facebook, ministri Gjiknuri tha se “elektriçistët e OSHEE po punojnë për riparimin e fiderit 10 KV Tropojë-Valbonë”.
Ai sqaroi se dëbora dëmtoi rreth 10 shtylla, si dhe ka shkëputur përcjellesin në disa akse. “Po punohet prej disa orësh, me mjete të rënda për ngritjen e shtyllave, dhe sistemimin e linjës, për rikthimin energjisë elektrike”, thotë Gjiknuri.
