Policia e Tiranës ka arrestuar një 38-vjeçar nga Elbasani i cili dyshohet se ka vjedhur një automjet “Lamborghini Huracán” me vlerë 250 mijë euro në Gjermani me qëllim për ta shitur më pas në Shqipëri.
Siç bëjnë me dije burime nga policia, mjeti kishte hyrë në Shqipëri më 13 korrik të këtij viti por në datë 30 ai u deklarua i vjedhur në Gjermani. Ky sinjalizim shërbeu për të vënë në lëvizje policinë e cila në kuadër të operacionit “LUXURY CARS” sekuestroi mjetin dhe arrestoi në flagrancë shtetasin me iniciale M.D, 38 vjeç lindur në Elbasan dhe banues në Stuttgart, Gjermani.
Gjithashtu është shpallur në kërkim një shteas 43-vjeçar banues në Gjermani. Të dy këta shtetas dyshohet se në bashkëpunim vidhnin dhe trafikonin makina nga Gjermania në Shqipëri.
Mbi ta tashmë rëndon akuza “Trafikimi i mjeteve motorike” dhe “Pastrimi i produkteve të veprës penale”. /Opinion.al
